Posted on: August 28th, 2019
Baraza la Madiwani la Halmashauri ya Wilaya ya Chato limemchagua tena diwani wa kata ya Ilemela Mhe. Thobias Ntingwanamba kuwa makamu mwenyekiti wa Halmashauri ya Wilaya ya Chato kwa kipindi kingine cha mwaka mmoja.
Uchaguzi huo umefanyika kupitia kwenye kikao cha kufunga mwaka cha Baraza la Madiwani kilichofanyika siku ya jumatano tarehe 28 Agosti 2019 ikiwa ni utaratibu wa kisheria wa kuchagua makamu mwenyekiti kila mwaka na uundaji wa Kamati mbalimbali za kudumu za Halmashauri.
Wenyeviti wa kamati waliochaguliwa ni pamoja na diwani wa kata ya Minkoto Mhe. Elkana Magezi ambaye ameteuliwa kuwa mwenyekiti wa kamati ya Elimu Afya na Maji, diwani wa viti Maalumu Tarafa ya Bwanga Mhe. Grace Kubilima amechaguliwa kuwa mwenyekiti wa kamati ya Uchumi, Ujenzi na Mazingira na diwani wa kata ya Iparamasa mhe. Amosi Jiji amechaguliwa kuwa mwenyekiti wa kamati ya Maadili.
Wenyeviti hao wa kamati waliochaguliwa pamoja na mwenyekiti wa Halmashauri na Makamu wanaunda kamati ya Fedha, Uoongozi na Mipango yenye jumla ya wajumbe 10 akiwemo mhe. Mbunge wa Jimbo la Chato.
