Posted on: December 11th, 2020
Madiwani wateule katika halmashauri ya wilaya ya Chato wameapishwa leo tarehe 11/12/2020, ambapo jumla ya madiwani thelethini(30) wameapa katika ukumbi wa shule ya sekondari Chato. Zoezi hilo limekwenda samba na kuthibitishwa kwa mwenyekiti wa Halmashuri pamoja na makamu mwenyekiti.
(Waheshimiwa Madiwani wakiwa na waheni waalikwa wakiimba wimbo wa Taifa)
Awali akiongoza mkutano huo ndugu Masumbuko Sobilwe ambaye ni Afisa tawala kutoka ofisi ya Katibu tawala wilaya ya Chato aliwakaribisha wajumbe wote waalikwa wakiongozwa na Mkuu wa Wilaya ya Chato Eng. Charles Kabeho pamoja na kamati ya ulinzi na usalama ya wilaya.
Kama ilivyo ada kwa mujibu wa sheria, madiwani walianza kwa kula kiapo cha udiwani na kufuatiwa na kiapo cha Uadilifu. Baada ya zoezi la kuapa kukamilika Madiliwani walipiga kura kumuidhinisha mwenyekiti wa Halmashauri ambaye jina lake lilipitishwa na chama (CCM), ambapo wadiwani walipiga kura na kumchagua Mh Batromeo Manunga kuwa mwenyekiti wa Halmashauri na Mh Fortunatus Jangole kuwa Makamu mwenyekiti.
(Mkurugenzi Mtendaji akizungumza na madiwani)
Baada ya uchaguzi kukamilika, ilifuatiwa na zoezi la uundaji wa kamati mbalimbali na wajumbe wa kamati hizo waliwachagua wenyeviti wa kamati hizo, Mwenyekiti wa Halmashauri akishauriana na Mkurugenzi mtendaji Ndugu Eliud Mwaiteleke waliunda kamati ya Fedha Mipango na Uongozi mweyekiti akiwa Mh. Batromeo Manunga, Kamati ya Uchumi , Ujenzi, na Mzingira mweyekiti akiwa Mh. Emmanel Nyamranga, Kamati ya Elimu, Afya na Maji mweyekiti akiwa Mh.Reginald Mbani, Kamati ya UKIMWI mweyekiti akiwa Mh.Fortunatus Jangole, Kamati ya Ugawaji wa Ardhi mweyekiti akiwa Mh. Justina Marco, Bodi ya ajira, Kamati ya Maadili mweyekiti akiwa Mh. Leticia Isaya, Kamati ya ALAT Mkoa pamoja na LAVRAC
Akizungu katika mkutano huo, mkuu wa wilaya ya Chato Eng. Charles Kabeho amewataka madiwani hao waliochaguliwa na kuapa, kwenda kutatua kero mbalimbali za wananchi katika maeneo yao.
