Posted on: August 14th, 2018
Mamia ya wanachi wa Kata ya Muganza leo wamejitokeza kwa wingi kuanza ujenzi wa kituo kipya cha Afya cha kata ya Muganza.
Mwenyekiti wa Halmashauri ya Wilaya ya Chato mh. Christian Manunga na diwani wa kata ya Muganza mh. Emmanuel Nyamlanga wameongoza wananchi hao kuchimba msingi wa Wodi 2, Maabara, jengo la upasuaji, chumba cha kuhifadhi maiti, nyumba ya za watumishi pamoja na jengo la kufulia.
Serikali kupitia wizara ya Afya, Maendeleo ya Jamii, Jinsia Wazee na Watoto imetoa kiasi cha shilingi milioni 400 kwa ajili ya ujenzi wa miundombinu mbalimbali ya kituo hicho.
