Posted on: August 29th, 2019
Waziri wa Ulinzi na Jeshi la Kujenga Taifa Dkt. Hussein Mwinyi amesema Shirika la Uzalishaji Mali la jeshi lakujenga Taifa (SUMA JKT) linafanya kazi zake kwa kiwango cha juu na kwa muda muafaka kiasi kinachofanya wateja wa shirika hilo kuridhika na kazi zinazofanywa na shirika hilo.
Waziri Mwinyi ameyasema hayo kwenye ziara ya Siku moja Wilayani hapa yenye lengo la kukagua miradi mbalimbali inayotekelezwa na SUMA JKT.
Katika ziara hiyo Waziri Mwinyi amekagua ujenzi wa ofisi na Karakana za SIDO na ujenzi wa Hoteli ya Kitalii ya nyota tatu ya TANAPA zilizopo kata ya Muungano na ujenzi wa Barabara ya lami kilometa mbili Chato mjini ambavyo vyote hivi vinajengwa na SUMA JKT.
