Posted on: April 11th, 2018
Mbunge wa jimbo la Chato na Waziri wa Nishati Mhe. Dkt. Medard Kalemani amekikabidhi kundi cha Kilimo ni Mali cha kata ya Nyamirembe kiasi cha shilingi laki tano kwa ajili ya kununua mashine ya kuvunia Mpunga.
Fedha hizo zimekabidhiwa leo na katibu wa mbunge ndugu James Kuya kwa mwenyekiti wa kikundi hicho ndugu Robert Musa makabidhiano yaliyofanyika kwenye eneo la shamaba hilo Nyamirembe makabidhiano yaliyohudhuriwa na Mkurugenzi Mtendaji wa Halmashauri ya Wilaya ya Chato Mhandisi Joel Hari.
Mbunge wa jimbo la Chato Mhe. Dkt Medard Kalemani aliahidi kukisaidia kikundi hicho baada ya kikundi hicho kuelezea changamoto hiyo ya kukosekana kwa mashine ya kuvunia mpunga wakati mwenge wa uhuru 2018 ulipotembelea shambani hapo kujionea shughuli za wakulima hao.
”Tunashukuru sana mheshimiwa mbunge wetu kwa msaada huu… tumekuwa tukikodi mashine kwa gharama kubwa” alisema mwenyekiti wa kikundi ndugu Robert.
Naye Katibu wa mbunge amewaasa wanakikundi hao kuitunza vizuri mashine hiyo pindi itakaponunuliwa ili ilete faida kwa kikundi hicho.
Kikundi cha Kilimo ni Mali cha Nyamirembe kinao jumla ya wanachama 20 na kinaendesha kilimo cha umwagiliaji kwenye eneo lililopo kata ya Nyamirembe pembezoni mwa ziwa eneo la kilimo linakadiriwa kufikia heka heka 170.
