Posted on: August 4th, 2022
Mkuu wa Mkoa wa Mwanza Mhe. Adam Kigoma Malima leo amefungua Rasmi Maonesho ya Nanenane 2022 Kanda ya Ziwa Magharibi yanayofanyika kwenye viwanja vya Nyamongolo Jijini Mwanza.
Akitembelea na banda la Halmashauri ya Wilaya ya Chato Mhe. Malima amevipongeza baadhi ya vikundi vilivyoshiriki kutoka Wilayani Chato ambapo amevutiwa zaidi na wajasiriamali wanaotengeneza viatu vya ngozi ambapo amewashauri kuboresha zaidi bidhaa hizo ili ziweze kushindana na watengezaji wengine.
"Viatu vyenu ni vizuri, ila boresheni zaidi ili muweze kushindana na wazalishaji wengine" ameshauri Mkuu wa Mkoa wa Mwanza.
Mamia ya wananchi waliotembelea banda la Chato wamepongeza kwa elimu inayotolewa ya ufugaji wa Kuku wa kienyeji, uzalishaji wa asali, Michele pamoja na kilimo cha Ndizi.
Kauli mbiu ya Maonesho ya Nanenane 2022 ni "Ajenda 10/30: Kilimo ni Biashara, Shiriki Kuhesabiwa kwa Mipango Bora ya Kilimo, Mifugo na Uvuvi"
