Posted on: August 12th, 2022
Mkuu wa Mkoa wa Geita mhe. Martin Shigela leo amefanya ziara ya siku moja yenye lengo la kujitambulisha wilayani hapa.
Katika ziara hiyo ambayo aliambatana na Katibu Tawala Mkoa Prof.Godius Walter Kahyarara na kamati ya ulinzi na usalama ya mkoa mhe. Shigela akiongea na waheshimiwa, madiwani, kamati ya ulinzi na usalama ya Wilaya na watumishi kwenye ukumbi wa Halmashauri amepongeza mafanikio yaliyopatikana tangu kuanzishwa kwa wilaya ya Chato mwaka 2006.
Amesema Wilaya ya Chato imepiga hatua kutokana na viongozi wachapakazi waliopo hivyo amewataka wananchi kuendelea kuiunga mkono serikali ya awamu ya 6 inayoongozwa na Rais Samia Suluhu Hassan ili kuweza kuyafikia malengo.
Akiwa wilayani Chato mhe.Shigela pia ametembelea hospitali ya rufaa ya kanda ya Chato ambapo ameishukuru serikali kuendelea kutoa fedha za ukamilishaji wa hospitali hiyo.
