Posted on: December 28th, 2021
Halmashauri ya Wilaya ya Chato imepokea fedha kiasi cha shilingi milioni 600 kutokana na kufanya vizuri kwenye utekelezaji wa kampeni ya ujenzi wa vyoo katika ngazi ya kaya, fedha hizo zitatumika katika kuboresha miundombinu ya maji, vyoo, wodi za wazazi, unawawaji mikono na udhibiti wa taka kwenye vituo vya afya. Aidha Bi Fransisca amesema kuwa Halmashauri itaendelea na kutatua changamoto za upatikanaji wa maji kwenye vituo vya afya ili kupunguza magonjwa yatokanayo na matumizi ya maji yasiyo salama na uchafu wa mazingira pia amesema Halmashauri chini ya idara ya afya itaendelea kufanya ufatiliaji kwenye kaya ili kuhakikisha jamii zinajenga na kutumia vyoo bora. Hayo yamesemwa wakati wa kikao cha wajumbe wa kamati ya maji na usafi wa mazingira kiliochjoketi kwa ajili ya kuweka mikakati ya utekelezaji wa ujenzi wa miundombinu hiyo kutokana na fedha hizo katika zahanati na vituo vya afya
